Поради опозициските опструкции во Собрание укинувањето на радиодифузната такса ќе почека
Објавено во: Македонија 16 Септември, 2017
Повторното одолговлекување со реплики и контра реплики ги стави на стенд „бај“ Законите за минимална плата, стечајците и радиодифузна такса.
Овие точки кои се меѓу првите на собраниската седница не дојдоа на ред бидејќи пратениците од опозицијата ја поминаа вчерашната собраниска седница со реплики и контрареплики, паузи и продолженија по измените на Законот за медицински студии и континуираното стручно усовршување на докторите на медицина.
Седницата помина со веќе видена тактика, тензии и обвинувања за состојбите во македонското здравство и делење правда кој е виновен за горливиот проблем.
Пратениците од ВМРО-ДПМНЕ велат дека во изминатите сто влада новата влада се однесувала неодговорно и директно го посочија за виновен министерот Таравари, од владеачката СДСМ пак рекоа дека продолжуваат да работат одговорно, чесно, отчетно и во интерес на граѓаните.
Мнозинството ги повика колегите од ВМРО ДПМНЕ да ги поддржат законот за минимална плата со вработените во сите стопански гранки ќе имаат повисока минимална плата во висина од 12.000 денари, со законот за стечајци, материјално ќе се обезбедат над 3.500 лица на кои им престанал работниот однос поради стечај, ликвидација или технолошки вишок во периодот од 1995 до 30 јуни 2017 година и со измените во Законот за аудио и аудиовизуелни медиумски услуги, пак, ќе се укине радиодифузната такса за сите граѓани .