Поради Русија ЕУ може да го ограничи кредитирањето на компании од САД
Објавено во: Свет 25 Јули, 2017
Во вторникот дипломатски извор од Брисел објасни пред руската агенција "РИА Новости" дека Европската унија може да го ограничи пристапот на американски компании до кредити од европски банки. Изворот вели дека оваа мерка е една од можните мерки спрема Вашингтон.
Претходно британскиот весник Financial Times напиша дека Брисел се подготвува да му се одмаздува на САД, ако Вашингтон продолжи со процесот на воведување на нови сеопфатни санкции против Русија. Причината е дека предметните рестриктивни мерки влијаат врз европските компании.
Претседателот на Европската комисија (ЕК), Жан-Клод Јункер повика на итно разгледување на можните одговори на ЕУ на активностите на САД. Според FT Брисел има намера да побара од Вашингтон "јавно или писмено барање" дека новите санкции нема да влијаат на европските интереси. Друга можност е американските санкции да бидат прогласени за неважечки на територијата на ЕУ.
Во вторникот Конгресот на САД ќе гласа закон кој предвидува воведување на нови санкции против Москва. Документот планира американскиот претседател да може да воведе санкции против компании кои планираат да инвестираат во изградбата на руски извозни гасоводи над пет милиони долари за година или еден милион долари одеднаш, како и да се обезбедат услуги или да вршат информациска поддршка.
Како посебен пункт е впишана намерата на Вашингтон "да се спротивстави на изградбата на гасоводот "Северен тек - 2".
Новите мерки на САД веднаш предизвикаа незадоволство во ЕУ. Канцеларот на Австрија Кристијан Керн и министерот за надворешни работи на Германија Зигмар Габриел го толкува американскиот закон-проект како закана за енергетското осигурување на Европа. Против новите санкции се искажаа и претставници на голем број големи европски енергетски компании.