Поранешниот заменик-претседател Мнангагва е веројатно нов лидер на Зимбабве
Објавено во: Свет 22 Ноември, 2017
Поранешниот потпретседател на Зимбабве Емерсон Мнангагва чие разрешување доведе до изненадната оставка на долгогодишниот државен лидер на земјата, Роберт Мугабе, наскоро ќе се заколне како нов и следен претседател на земјата.
Заклетвата се очекува да биде во петок, според БиБиСи
Емерсон Мнангагва го напушти Зимбабве пред две недели и отиде во Јужна Африка, велејќи дека стравува за својот живот, но ќе се врати во својата татковина денес, пренесува локалната телевизија. Неговото разрешување од владејачката партија доведе до интервенција на војската во Зимбабве, која со сила стави крај на 37-годишното владеење на Мугабе. Тој поднесе официјално оставка вчера во писмо до парламентот, кој собрал да заседава по процедура за неговото симнување од власт.
Вестите доведоа до големи прослави во земјата синоќа.
„Сакам да му честитам на народот на Зимбабве за постигнување на овој историски момент", рече Мнангагва во соопштението по оставката на Мугабе како претседател. "Заедно ќе обезбедиме мирна транзиција за зацврстување на нашата демократија и ќе донесеме нов почеток за сите граѓани, и ќе создадеме мир и единство. Враќањето во татковината, со нетрпение го очекувам и заедно со вас, народот на Зимбабве, да продолжиме со политичките и економските предизвици за нашата сакана земја", вели тој.
Портпаролката на Стејт департментот на САД Хедер Наурт изјави дека по оставката на претседателот Мугабе Зимбабве народот сака "нова ера" и крај на меѓународната изолација, пренесоа американските медиуми.