Порторико во мрак по удар на ураганот Марија
Објавено во: Свет 20 Септември, 2017
Целo Порторико, држава кој има 3,5 милиони жители, денеска е во мрак.
Земјата остана без струја поради ударот на ураганот Марија.
Шефот на Агенцијата за управување со ризици од катастрофи, Абнер Гомез изјави дека ураганот го уништил сето она што му се нашло на патот.
Гувернерот на Порторико, Рикардо Росело изјави дека штетата ќе бидат неизбежни по поројните дождови и налетот на силните ветрови.
Американскиот национален центар за урагани претходно објави дека Марија пристигнала до бреговите на Порторико во реонот на местото Јабукоа, во источниот од оваа американска територија. Ветерот во жариштето на ураганот бил со брзина од 225 километри на час.
Претходно беше соопштено дека на островот Доминика, кој Марија го погоди во понеделникот, загинале седум лица, но се очекува бројот на жртвите да расте.
Ураганот Марија вчера помина крај островот Сен Кроа, кој е дел од Американските Девствени Острови.