Потенцијалните инвеститори ќе вршат увид во „Фени“
Објавено во: Економија 21 Ноември, 2017
Заинтересираните потенцијални инвеститори за комбинатот „Фени“ од утре па се до 29 месецов ќе вршат увид во состојбата на комбинатот.
Тие потоа ќе можат да достават понуда за преземање.
Привремениот стечаен управник Мирослав Анастасиевски веќе го информирал сегашниот сопственик Кунико за ова, а согласност дале и претставници на Синдикатот на „Фени“.
Засега има три сериозни заинтересирани инвеститори за „Фени“. Банките не ја исклучуваат можноста и бугарски „Енекод“ да даде понуда доколку ги исполни условите.
Потенцијалните инвеститори треба да имаат најмалку 20 милиони евра за финансирање на стечајната постапка, за обртни средства и за измирување на минималните обврски кон банките и доверителите.