16 Јануари, 2018
0.6542
    KMB 3051.4    0.8%     MPT 29201    -2.65%     OKTA 3105    -2.26%     RMDEN16 94.1    0.48%     RZUS 103    0%     STB 930    0%     TNB 13200    0%

Поради ниските температури

Вчера регистрирана 30% поголема потрошувачка на електрична енергија

Објавено во: Мои пари 10 Јануари, 2017

Снабдувањето со електрична енергија за домаќинствата  и  помалите компании на регулираниот пазар за електрична енергија  се одвива редовно и  во согласност со нивните потреби.  Во текот на вчерашниот ден целосно е одговорено на потребите на конзумот со оптимизација на домашните производни  капацитети, и преку набавка на електрична енергија во часовни периоди од денот  кога се бележи најголема потрошувачка.  Поради екстремно ниските температури  во периоди од вчерашниот ден регистрирана е 30 проценти поголема потрошувачка во однос на истиот период за последните пет години. Од анализите кои ги спроведе АД ЕЛЕМ може да се заклучи дека надворешната температура е за осум степени пониска во однос на десетгодишниот просек за овој период од годината.

Сите расположливи капацитети за производство на електрична на АД ЕЛЕМ се ставени во погон, а дел од количините преку редовна постапка за набавка на електрична енергија  се обезбедуваат  на слободниот пазар во согласност со постојните правила и процедури усвоени од Регулаторната комисија за енергетика. Стручните тимови накомпанијата и понатаму  внимателно ја следат потрошувачката на електрична енергија и го прилагодуваат производството од домашните капацитети во согласност со потребите на тарифните потрошувачи. За надополнување на потребите во периоди од денот со најголема потрошувачка, во текот на вчерашниот ден е извршена набавка на 3.600 мегаватчаса електрична енергија преку лиценцираните компании за трговија со електрична енергија, согласно постојните правила. Набавката што ја изврши АД ЕЛЕМ за период од 18 часот вчера заклучно со 18 часот попладнево е по просечна цена од 101,43  евра за мегаватчас и е поевтина во однос енергијата што се продаваше на берзите во регионот. Временските услови од кои се погодени земјите од Југоисточна и Централна Европа, директно влијаат и на цените на тој енергент. Во текот на вчерашниот ден  на берзата во Унгарија мегаватчас електрична енергија во периоди на зголемена потрошувачка се продаваше за 126,3 евра, на берзата во Бугарија чинеше 123 евра ,  додека на берзата во Србија за истиот период се нудеше по цена од  140,3 евра за мегаватчас.  АД ЕЛЕМ уште еднаш нагласува дека набавката на електрична енергија што се врши во овој период нема да влијае врз цената на електричната енергија за домаќинствата и за малото стопанство кои се на регулираниот пазар за електрична енергија затоа што негативните финансиски импликации во целост се нивелирани со додадената вредност од продажбата на вишоци на електрична енергија што АД ЕЛЕМ ја реализираше во ноември и декември, минатата година. Резултатите од набавката на електрична енергија АД ЕЛЕМ редовно и транспарентно ги објавува на својата веб страна на следниот линк:http://www.elem.com.mk/index.php?option=com_content&view=category&id=55&Itemid=220&lang=mk .

Техничкиот зафат во термоелектраната „Битола 3“  на кој од саботата наутро интензивно работеа стручни екипи на АД ЕЛЕМ и на РЕК Битола, заврши во текот на вчерашниот ден, и во фазата на синхронизација на електроенергетската мрежа беше детектирано повторно напукнување на цевка во котелскиот сегмент, по што овој капацитет во моментов е надвор од функција.  Се очекуваповторно да биде оперативен во најкус можен рок, односно за најдоцна 72 часа. Вработените во АД ЕЛЕМ  и во РЕК Битола во период на екстремно ниски температури  прават натчовечки напори за справување со предизвиците.                                                                                                           

Можеби ќе ве интересира

Во манијата со крипто-валути, сите заборавија на овој гигант кој соборува рекорди

Во манијата со крипто-валути, сите заборавија на овој гигант кој соборува рекорди

Кој ќе биде најдобриот Менаџер за човечки ресурси во Македонија?

Кој ќе биде најдобриот Менаџер за човечки ресурси во Македонија?

Дане Тодоровски: Најголем предизвик за 2018 е отворање на Сара Фешн во регионот

Дане Тодоровски: Најголем предизвик за 2018 е отворање на Сара Фешн во регионот

(ВИДЕО) Како е да се биде репортер во „Фчерашни новости“?

(ВИДЕО) Како е да се биде репортер во „Фчерашни новости“?

Отворен повик за студирање на постдипломските студии на Меѓународната бизнис академија на Економски факултет – Љубљана, во Скопје

Отворен повик за студирање на постдипломските студии на Меѓународната бизнис академија на Економски факултет – Љубљана, во Скопје

„Фчерашни новости“ конечно си посветуваат епизода за нив и насушната новинарска работа

„Фчерашни новости“ конечно си посветуваат епизода за нив и насушната новинарска работа

ЕВН Македонија донираше возило за здружението „Мобилност Тетово и Гостивар”

ЕВН Македонија донираше возило за здружението „Мобилност Тетово и Гостивар”

РЕХАУ-партнер на македонската ракометна репрезентација

РЕХАУ-партнер на македонската ракометна репрезентација

ИНВЕСТИЦИЈА ВРЕДНА НАД 2,5 МИЛИОНИ ЕВРА: „АЛКАЛОИД“ ПУШТИ ВО УПОТРЕБА НОВИ ПРОИЗВОДНИ КАПАЦИТЕТИ

ИНВЕСТИЦИЈА ВРЕДНА НАД 2,5 МИЛИОНИ ЕВРА: „АЛКАЛОИД“ ПУШТИ ВО УПОТРЕБА НОВИ ПРОИЗВОДНИ КАПАЦИТЕТИ