Повеќе работници во индустријата, овие сектори имаат раст...
Објавено во: Економија 09 Март, 2017
Индексот на бројот на работниците во индустријата во јануари 2017 година, во однос на јануари 2016 година, изнесува 100.4.
Тоа значи дека бројот на вработени во индустријата се зголемил за 0,4%.
Ова е објавено денеска во соопштение на Државниот завод за статистика.
Бројот на работниците во секторот рударство и вадење на камен во јануари 2017 година, во однос на јануари 2016 година, бележи пораст од 1.2%, во секторот преработувачка индустрија бележи пораст од 0.4%, а во секторот снабдување со електрична енергија, гас, пареа и климатизација опаѓање од 0.7%. Според главните индустриски групи, бројот на работниците во индустријата во јануари 2017 година, во однос на јануари 2016 година, бележи пораст кај енергија за 0.6%, интермедијарни производи, освен енергија за
2.4%, капитални производи за 5.5% и трајни производи за широка потрошувачка за 4.3%, додека опаѓање бележи кај нетрајни производи за широка потрошувачка за 2.2%.