21 Февруари, 2018
0.7990
    ALK 7801.99    -1.64%     BESK 10275    -3%     GRNT 810    -0.06%     KMB 3389.73    -0.22%     MERM 800    -20%     MPT 29500.63    0%     OKTA 3620    0.56%     RMDEN16 94.9    0.11%     RZUS 139    3.73%     SBT 2041    -2.86%     STB 940.85    0.03%     STIL 139.03    -4.1%     TETE 2286.67    2.27%     TKVS 3110    2.98%     TNB 13581.59    -0.42%     TPLF 1649.9    1.35%     TTK 947    -2.97%     UNI 2050    0%

Повеќе се троши струја за копање биткоин, отколку за домаќинствата

Објавено во: Економија 13 Февруари, 2018

Копањето биткоин но, и други форми на крипто и дигитални валути се повеќе се засилува мерено според потрошувачката на електрична енергија и ангажираниот компјутерски хардвер, најчесто моќни процесори како и напредни графички карти наменети за компјутерски гејминг, со што се повеќе се троши струја од расположливите ресурси.

Исланд наскоро ќе стане првата нација која повеќе троши електрична енергија токму за дигитално копање на криптовалути учествувајќи во технолошкиот процес наречен blockchain кој решава различни електронски задачи за да стигне до информацијата со која се добива вредност кај криптовалутата.

Достапноста на технологијата за копање криптовалути за секој со интернет конекција, технолошкиот авантуризам како и брзото прифаќање на нови уреди ги прави исланѓаните едни од најпосветените интеститори во blockchain каналите, но тоа веќе е и предизвик за енергетските компании.

Снори Сигурдсон од исландската енергетска компанија HS Orka тврди дека годинава во Исланд за копање биткоини ќе се потрошат 840 гигават/часови, а домаќинствата само 700 гигавати. 

Капацитетите на „производство“ на биткоини веќе се во драматични размери и ја надминуваат личната потрошувачка на електрична енергија на поединечните корисници и домаќинството што е фантастична количина на потрошени ресурси и зголемување на товарот врз самиот систем на пренос на струја.

Решението според експертите е да се подобри инфраструктурата на долг рок за што ќе бидат потребни дополнителни инвестиции, со цел да се спречат или намалат ризиците од можни енергетски кризи и рестрикции кога потрошувачката на струја ќе го достигне пикот, а тоа секако ќе има и одредени еколошки последици бидејќи енергијата не е стопроцентно произведена на „зелен“ начин.

Прашањето кое сега се поставува е дали ова е големиот обид да се докаже дека биткоинот и останатите крипто валути всушност не се мртви, туку дека се многу поотпорни на пазарните движења и ценовните флуктуации бидејќи не се платенжно средство во вистинската економска смисла на зборот, туку комодитет кој може да се поседува и да се заработува и од самата разлика во цена, интересот на пазарот за тргување и осигурувањето на депозитната инвестиција со поврат на капитал или негово засилување.

Затоа и најголемите крипто-милијардери кои имаат виртуелно богатство сега засега велат дека ова е вистинско време да се вложува во биткоин или слични валути бидејќи цените паднаа, но технологијата се повеќе ќе се етаблира и без неа не ќе може да функционира модерното дигитално економско опкружување.

Автор: Христијан Станоевиќ

Можеби ќе ве интересира

ИМА ЛИ АЛТЕРНАТИВА: Тевдовски e против зголемување на прагот за пензионирање

ИМА ЛИ АЛТЕРНАТИВА: Тевдовски e против зголемување на прагот за пензионирање

Целосна поддршка на акцијата на Министерството за земјоделство, шумарство и водостопанство за ставање ред во агросекторот

Целосна поддршка на акцијата на Министерството за земјоделство, шумарство и водостопанство за ставање ред во агросекторот

Македонските експерти ќе работат на странските пазари

Македонските експерти ќе работат на странските пазари

И ПОКРАЈ КРИТИКИТЕ, ТЕРАМЕ ПО СТАРО: Нови предвремени вработувања во администрација

И ПОКРАЈ КРИТИКИТЕ, ТЕРАМЕ ПО СТАРО: Нови предвремени вработувања во администрација

Видео: Како Бил Гејтс ја замислува иднината на мобилните плаќања?

Видео: Како Бил Гејтс ја замислува иднината на мобилните плаќања?

Нов директор во ЕЦБ е банкар кој никогаш не работел во Централна банка

Нов директор во ЕЦБ е банкар кој никогаш не работел во Централна банка

Интервју Јанкоски: Најбарани се компјутери од високите класи, Македонците знаат да препознаат квалитет

Интервју Јанкоски: Најбарани се компјутери од високите класи, Македонците знаат да препознаат квалитет

Обновено: Зошто Владата вложи 1 милион евра во акции на МЕР?

Обновено: Зошто Владата вложи 1 милион евра во акции на МЕР?

КОЈ ЌЕ БИДЕ НОВИОТ ГУВЕРНЕР: Многу имиња, една фотеља!

КОЈ ЌЕ БИДЕ НОВИОТ ГУВЕРНЕР: Многу имиња, една фотеља!