Повеќе жени директори-толку поголем развој и успех за бизнисот

Добивај вести на Viber

Колку повеќе жени има во бордот на директори во едно претпријатие, толку поголеми успеси ќе реди фирмата.

Ова го тврди истражувањето објавено во американскиот сајт „Management issues“. 

66% повисоки се приходите од направените инвестиции во компаниите во кои има повеќе жени на водечки позиции отколку мажи.

Друго истражување, направено пред неколку години од авторитетното издание „Волстрит џурнал“, создаде листа на 50те дами кои го зазеле најважното место во светскиот бизнис. Критериумите се широката популарност, големина на компанијата, место во хиерархијата, влијание во областа во која работат. Многу важен знак на селекција се исто дали служат за пример на другите лидери и дали уживаат почит од страна на тесните специјалисти во соодветната област.

Направени се неколку листи, меѓу кои се: дали се наследници, дали создале сами бизнис или ги имаат наследено раководните позиции. Во листите се најдоа: Опра Винфри со компанијата „Карп“; Карл Фиорина - генерален директор на „Хјулит Пакард“; Сари Балдауф, - претседател на „Нокиа Нетворкс“; Валери Гудинг - генерален директор на „Бупа“ најголемиот приватен оператор на болници и социјални домови во Англија; Маргарет Витман - генерален дитектор на „eBay“; Олга Дергунова, претседател на „Мајкрософт - Русија“; Ана Патрис Боте; Елизабет Мардок ...

Излегува дека највлијателните дами немале слични кариери. Некои од нив се искачиле постепено по скалата на успехот, а други добиле се на готово, иако не се справиле помалку добро. Општа тенденција е дека повеќето од нив менувале функции и позиции, додека го достигнувале врвот во својата кариера. Методите  на управување им се исто така различни - едни се во улогата на деспоти, а други се дел од тимот и се однесуваат речиси како еднакви со останатите.

-Жените мислат премногу, но токму тоа им помага да не преземаат неразмислени потези

-Жените се однесуваат со повеќе разбирање и не предизвикуваат стрес кај подредените.

-Докажано е дека жените имаат подобар талент кон најпрофитабилните зделки.

-Жените обрнуваат поголемо внимание на деталите и затоа често гледаат пропусти кои им бегаат на мажите.

-Жените се трпеливи и природата им е фантазиска што ги прави поголеми оптимисти за некои проекти.

-Жените успеваат полесно да создадат хармонични односи со колективот и да се интегрираат во тим, на кој се шеф, наместо да ги следат од страна.

-Најинтересните и иновативни идеи им текнуваат многу почесто на жените отколку на мажите.

-Жените реагираат емоционално кога имаат проблем со подредените, но многу полесно се мобилизираат за да се справат со сериозните тешкотии, бидејќи не ја потценуваат нивната важност.

-Жените имаат вроден талент кон озборувања, што им помага да се во текот со она што се случува во колективот.

Процент во Европа прогресивно расте, бидејќи жените не престанувааѕ да докажуваат дека можат да бидат добри шефови не само дома, но и на работното место.