ПОЗНАТИОТ САНТОРИНИ СО НОВИ НАМЕТНУВАЊА: Што подготвува островот за туристичките компании?

Добивај вести на Viber

Мерки за ограничување на туристичкиот проток во екот на летната сезона, кога многу бродови крстарат и патници се собираат на островот во исто време, преземат властите на Санторини, пренесува електронското издание на Екатимерини.

Пред претстојната летна сезона популарниот остров на Кикладите ќе прифаќа само 8.000 посетители дневно, значително помалку од 12.000 кои пристигнаа секојдневно во претходните години.

Општинскиот орган и општинскиот пристанишен фонд на островот изработиле систем за планирање и ограничување на посети на бродови, и веќе дури побарале луксузните компании за патувања не само да го менуваат денот на пристигнување, туку и времето за посети на туристи, за да ги распределат порамномерно. Во деновите кога во исто време на островот засидрат до 6 бродови, посетителите на Оја или Фират се соочувале со проблемот на сериозен метеж на патиштата, што влијаело на квалитетот на нивниот одмор.

Затоа оваа година локалните власти ќе воведат систем за распределба на пристаништа. Се забележува дека во 2018 година се регистрирани пристигнувања на 439 бродови - уште повисок број во споредба со претходната година, кога пристигнале 409. 

Поради оваа причина властите на Санторини испратиле писма до туристичките компании со предлог да се промени нивниот датум при пристигнувањето за да се избегне толпата многу луѓе на островот. Исто така се додава дека ако компаниите не ги направат доброволно промените, тогаш локалните власти ќе ги наметнат на произволен принцип.