Добивај вести на Viber
Собраниската расправа за Дополнетиот предлог буџет за 2014 година, која почна во понеделникот, денеска треба да заврши.
Според предложеното, Буџетот за идната година ќе изнесува 176,5 милијарда денари (2,8 милијарди евра). Приходите се планирани на 158 милијарди и 243 милиони, а буџетскиот дефицит на 3,5 проценти и ќе се финансира од домашни и од странски извори. Растот на БДП е проектиран на 3,2 проценти, а инфлацијата од 3,3 проценти. Нивото на буџетскиот дефицит, според проекците, ќе изнесува 3,5 проценти.
По завршување на расправата, за која се предвидени пет дена, пратениците треба да се изјаснат и за Предлог законот за извршување на Буџетот за 2014 година, по скратена постапка.
На предлогот на Владата за буџетот за 2014 година беа поднесени 684 амандмани. Собраниската комисија за финансирање и буџет разгледа 291 амандман, а Владата прифати само пет.