ТЕНЗИИ И ВЕРБАЛЕН СУДИР: Пратениците од ВМРО-ДПМНЕ во кавга со Џафери
Објавено во: Македонија 13 Септември, 2017
Пратениците од ВМРО-ДПМНЕ денеска во Собранието ја окупираа говорницата.
Oткако не даде едночасовна пауза по барање на кординаторот на ВМРО-ДПМНЕ, Илија Димовски со образложение дека ја побарал по истекот времето предвидено за процедурална забелешка, спикерот Талат Џафери сепак даде пауза, но, како што рече, поради тоа што се содале услови за договор.
„Не може да се наметне одлука под притисок и закана, а кога 50 пратеници излегувате овде и ја правите истата грешка, тогаш тоа значи дека е насилно. Под уцена ни сега, ни утре, ни никогаш нема да прифатам донесување одлука. На ваков начин кога може да се слушаме јас ќе прифатам, поради тоа што јавно се договараме во моментов“ - вели Џафери.
Пратениците од ВМРО-ДПМНЕ пријдоа до Џафери, посочувајќи му дека повторно ги крши процедурите и не го ги почитува правата на пратениците, односно координаторите кои имаат право да побараат пауза, не дозволувајќи му да продолжи со седницата.
Џафери појасни дека кога на 27 април бил избран за претседател на Собранието, укажал и сега јавно повторува дека ова „или ќе биде Собрание или нема да го има, не буквално, физички, туку функционално и инстуционално“.
По барањето на денешната пленарна седница, од пратеникот Илија Димовски, Законот за употреба на јазиците да се тргне од дневен ред, мнозинството пратеници го отфрлија предлогот.