Премиерот Заев денес на централно обраќање во ОН пред шефовите на држави и влади
Објавено во: Македонија 22 Септември, 2017
Во рамки на Генералното Собрание на ОН денеска пред шефовите на држави и влади, како и министри за надворешни работи премиерот ќе има централно обраќање на пленарната седница.
„Нов старт за Балканот“ е конференцијата на која ќе зборува Заев а според агендата ќе има средба и со Генералниот секретар на Обединетите нации Антонио Гутереш.
Сепак, Заев нема да застане овде и денешниот ден во Њујорк ќе го искористи максимално.
Според активностите предвидена е и билатерална средба со вицепремиерот и министер за надворешни работи на Виетнам, Фан Бин Мин а ќе има и кратка средба со премиерот на Непал Шер Бахадур Деуба, на приемот по повод националниот ден на оваа земја.