Премногу пари потрошени на странски инвестори, ефектите минимални
Објавено во: Економија 13 Септември, 2017
За 10 години претходната Влада потрошила 225 милиони евра за привлекување и субвенционирање на странските инвестиции, но резултатите се многу под очекуваното и најавуваното преку медиумите со само 20.000 вработувања и влез на 25 компании.
Портпаролот на Владата на РМ, Миле Бошњаковски пред новинарите ги претстави сознанијата од анализата прикажани низ два столба. Кеш грантови – пари кои биле префрлени директно на сметките на странските инвеститори и Даночни и царински ослободувања, додека пак третиот столб Трошоци за привлекување на странски инвеститори поради обемноста на материјалите допрва ќе биде претставен.
Добар дел од 20.000 вработување кај странските инвеститори не биле резултат на нови вработувања, туку преземање на дел од работниците кои веќе биле во работен однос.Еден од главните проблеми според презентацијата на владиниот портпарол Бошњаковски е што преговорите со странските компании се воделе без никакви критериуми, а потоа договореното веднаш се класифицирално за да не биде достапно за јавноста.Новото владино раководство ќе ги почитува постигнатите договори и државата ќе ги исполнува обврските кон странските компании, но односот сега ќе се смени.