Побрзајте, ќе ја снема црвената пиперка за ајвар!

Добивај вести на Viber

  Во струмичкиот регион на големо се бере црвената пиперка позната како “куртовска капија”. Земјоделците велат дека бербата е при крај, но оваа година сушата ги  преполовила приносите. -Јас имам 18 декари со црвена пиперка и поради сушата соберам околу 30 тони, што во нормални години не се случувало. Да не беше сушата родот ќе беше поголем, бидејќи од овие површини може да се соберат од 50 до 60 тони црвена пиперка.Откупувачи има, но како и секоја година така и оваа постојано гледат како да ја намалат цената, вели Данаил Паланков, производител на црвена пиперка од Струмица Црвената пиперка од  прва класа во картон сега се откупува по 18 денари за килограм, а за  втора класа откупувачите нудат 13 денари за килограм. Земјоделците велат дека со вакви откупни цени едвај ги покриваат основните трошоци. Според нивните пресметки откупната цена со намалените приноси и зголемените цени на репроматеријали, треба да биде 30 денари за килограм, за производството да им биде рентабилно.