Преработувачката индустрија шири оптимизам

Добивај вести на Viber

Речиси 250 компании од преработувачката индустрија во земјава оценија дека деловната клима во ноември годинава беше понеповолна во споредба со истиот период лани. Просечното искористување на нивните производни погони во ноември изнесува 59,4% од нормалното искористување. Се уште за нив најголеми ограничувачки фактори за поголем обем на производство, а сто тоа и поголем извоз се недоволната странска побарувачка со 23,7%, недоволната домашна побарувачка со 16,5%, финансиските проблеми со 13,8% и конкурентниот увоз со 8,7%. Во редовната месечна анкета која ја спроведува Државниот завод за статистика менаџерите на преработувачките фабрики во земјава истакнуваат дека се оптимисти за периодот што следи. “Очекувањата за обемот на производството во наредните три месеци се поповолни, како и очекувањата за бројот на вработените. Во ноември 2012 година, залихите на суровини и репроматеријали, како и тековните набавки на суровини и репроматеријали се под и околу нормалата. Залихите на готовите производи во ноември 2012 година се зголемени во споредба со претходниот месец“, оценуваат директорите на деловните субјекти во преработувачката индустрија за економската состојба во ноември годинава.