ПРЕТПРИЕМАЧКА ПРИКАЗНА: Кога бизнисот е на стабилни темели успехот доаѓа постепено
Објавено во: Финансии 27 Март, 2017
Производството на козметика за Мила Љутвиненко била работа во која таа ја вложила својата креативност.
Почнала со работа пред повеќе од две децении и до ден денес работи со истиот ентузијазам.
„Се случи момент на препознавање. Почувствував дека тоа е работа во која може да дојде до израз мојата креативност. Во тој период никој во Србија не се занимаваше сериозно со декоративна козметика. Не ја следеа амбалажата, боите, а ни самиот квалитет на козметиката“ - вели таа.
Фирмата е основана во декември 1996 година во Ниш, со цел да се занимава со производство и промет на козметика. Фирмата ја нарекла Аура, а името на латински значи злато и сјај.
Почетниот капитал во тоа време бил 300 германски марки.
На почеток имала проблеми, но вели дека денес нема проблеми, туку има предизвици.
Оваа жена додава дека е важно квалитетно да се работи во секој сегмент и да се има осет за потребите на потрошувачите.
Љутвиненко вели дека нестабилната политичка и економска состојба влијаела на работата, но и „црниот пазар“.
Додава дека последните две години била полни со предизвици, но се трудат да ги следат светските трендови и да одговорат на потребите на корисниците.
За сите оние кои сакаат да почнат свој бизнис им советува тоа да биде работа која ја сакаат.