29 Март, 2024
0.0258

АМСМ Мобилна апликација и веб платформа „Мој Пат“

Пријавете недостатоци на патиштата и придонесете за подобра патна инфраструра

Објавено во: Мои пари 06 Септември, 2017

Добивај вести на Viber

Корисниците на мобилната апликација и на веб платформата ќе можат да го следат статусот на недостатоците на локалните, регионалните и магистралните патишта, од статус на пријавени недостатоци од страна на корисник, преку статус на пријавени недостатоци до надлежни институции до конечниот статус на отстранет недостаток на пат.

На 06.09.2017 година во хотелот „Александар Палас“ беше одржана прес-конференција за промоција на веб платформата и мобилната апликација „Мој Пат“, наменети за пријавување на недостатоци на локални, магистрални и регионални патишта од страна на сите учесници во сообраќајот. На прес-конференцијата присуствуваа министерот за транспорт и врски на Р.М, г-дин Горан Сугарески, државниот секретар во Министерството за внатрешни работи на Р.Македонија, г-ѓа Магдалена Несторовска, како и Генералниот Секретар на АМСМ, г-дин Димитар Миновски, а истата беше проследена од голем број на медиуми.

Проектот „Мој Пат“, кој вклучува бесплатна мобилна апликација и веб платформа,има цел на сите групи учесници во сообраќајот (пешаци, велосипедисти, возачи и мотоциклисти) да им овозможи од своја перспектива да ги идентификуваат и да ги пријават недостатоците на патиштата, притоа обезбедувајќи систематски, методолошки и трошковно ефикасен начин на собирање на податоци за недостатоците на локалните, магистралните и регионалните патишта во државата.

Сите пријавени недостатоци на патиштата, АМСМ со цел на зголемување на безбедноста во сообраќајот, во форма на периодичен извештај, ќе ги доставува до надлежните институции за нивно отстранување. Корисниците на мобилната апликација и на веб платформата ќе можат да го следат статусот на недостатоците на локалните, регионалните и магистралните патишта, од статус на пријавени недостатоци од страна на корисник, преку статус на пријавени недостатоци до надлежни институции до конечниот статус на отстранет недостаток на пат.

Во оваа насока министерот за транспорт и врски изјави „Уште при презентирање на проектот од страна на претставниците на АМСМ, веднаш знаев дека ова е проект кој треба активно да се поддржи, затоа што една од функциите на Министерството за транспорт и врски и Јавното претпријатие за државни патишта е да обезбедат подобра патна инфраструктура која ќе води до поголема безбедност во сообраќајот.“

Во насока на поддршка на проектот државниот секретар во Министерството за внатрешни работи  изјави „Се надевам дека во иднина овој проект ќе се надоградува и проширува, во насока на поактивно вклучување на Министерството за внатрешни работи на Р.М“.

Покрај наведените институции, проектот „Мој Пат“е активно поддржан и од ЗЕЛС и Градот Скопје.

Проектот „Мој Пат“ е реализиран во соработка со ФИА и е ко-финансиран од ФИА грант програмата за поголема безбедност на патиштата, до која АМСМ има пристап како единствена членка на ФИА (Меѓународната автомобилистичка федерација) од Р.Македонија. Како резултат на ова, а во конкуренција на проекти од повеќе авто-мото клубови,  проектот на АМСМ  „Мој Пат: мобилна апликација и веб платформа за мапирање на недостатоци на магистрални, регионални и локални патишта“ беше еден од избраните средни проекти за ко-финансирање.

Mобилната апликација MojPat за Android можете да ја симнете уште веднаш, а онаа наменета за iOS базирани мобилни телефони е во процес на одобрување и штом биде достапна, веднаш ќе ве информираме. Доколку немате паметен телефон, а сакате да пријавите недостаток на патишта, тоа можете да го направите преку www.mojpat.mk.

Можеби ќе ве интересира

Склучен Меморандум за соработка со Кроација осигурување АД, Друштво за неживотно осигурување Скопје

Склучен Меморандум за соработка со Кроација осигурување АД, Друштво за неживотно осигурување Скопје

Дарко Лукиќ од 1 јули е новиот извршен директор на Групацијата Нелт

Дарко Лукиќ од 1 јули е новиот извршен директор на Групацијата Нелт

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Општина Центар е лидер во промени, Иницијативата за конфискација на дивоградби се преточи во закон

Општина Центар е лидер во промени, Иницијативата за конфискација на дивоградби се преточи во закон

Прилепска Пиварница одбележува 100 години постоење

Прилепска Пиварница одбележува 100 години постоење

Откријте го врвното искуство на гледање со FUEGO Electronics и новата серија 720GTV на Google TV

Откријте го врвното искуство на гледање со FUEGO Electronics и новата серија 720GTV на Google TV

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

Македонски Телеком ја гаси старата 3G технологија

Македонски Телеком ја гаси старата 3G технологија