17 Декември, 2017
0.3915
    ALK 7304.71    0%     CEVI 1144    0%     GRNT 762.38    0.86%     KJUBI 1400    0%     KMB 2700    0.01%     OHB 4767.86    -0.67%     RMDEN15 95.1    0.11%     RZUS 107.89    1.78%     STB 910    -1.09%     STIL 127    -2.31%     TNB 13100    0%     TPLF 1500    -1.69%     UNI 1870    -1.03%     ZILU 151    -2.58%

Измени во законот за нотаријат главна тема на средбата на Заев со граѓанските активисти

Објавено во: Македонија 13 Октомври, 2017

Претседателот на Владата на Република Македонија, Зоран Заев, денеска се сретна со претставници на Здружението за заштита на граѓанските права „Но пасаран“ и Конфедерацијата на синдикати на Македонија (КСОМ).

На средбата со премиерот, Ана Глигорова и Марјан Ненов од „Но пасаран“ и Марјан Ристески и Кристина Антеска од КСОМ, како и нивниот правен застапник, адвокатот Донче Стаменков, ги презентираа своите барања и сугестии за измени на Законот за извршување и Законот за нотаријат, со цел да се намалат проблемите со кои се соочуваат граѓаните при наплаќањето на долговите.

- Ние се залагаме за извесен Мораториум кој се однесува на периодот на извршувањето на одлуките поврзани со комуналните услуги на доверителите, формирање на Регулаторна комисија преку која државата ќе контролира како се одредуваат вкупните камати за долговите, како и сумата за која се врши блокирањето на сметката на должниците - пренесе Глигорова додавајќи дека е потребно да се врши ревизија на работата на извршителите и нотарите.

Нејзиниот колега, Ненов потенцираше дека оваа проблематика, со наплаќањето на енормни суми за долг, кој претходно без каматите е за неколку пати помал, не засега само една социјално загрозена група, туку сите граѓани на државата.

Претставниците на Конфедерацијата на синдикати на Македонија (КСОМ), посочија дека до нив постојано стигаат жалби од граѓани, за неправилности при наплатата на долговите од страна на извршителите и судовите.

Адвокатот Стаменков оцени дека одредени законски измени ќе доведат до либерализација на пазарот на извршители и нотари.

- Една од клучните цели на Владината програма е да ги намалиме трошоците на граѓаните и да ги вратиме парите кај граѓаните. Потребно е, да овозможиме излегување од овој маѓепсан круг и да го зајакнеме финансискиот капацитет кај граѓаните - рече премиерот Заев.

Претседателот на Владата на Република Македонија на средбата додаде, дека за решавање на изнесеното крупно прашање, е потребно да се отвори јавна дебата со граѓанските активисти, за да се утврдат сите детали и потреби од идни дејствија.

- Потребно е, да се вклучат институцииите, пред сé законодавната власт – Собранието на РМ, да се најде решение за сите - рече премиерот Заев на средбата со претставници на Здружението за заштита на граѓанските права „Но пасаран“ и Конфедерацијата на синдикати на Македонија.


Можеби ќе ве интересира

Велес најзагаден вечерва, зад него е Тетово

Велес најзагаден вечерва, зад него е Тетово

(ВИДЕО) Фрчковски: Аматери сакаат да прават реформи во судството

(ВИДЕО) Фрчковски: Аматери сакаат да прават реформи во судството

Професорки бараат Иванов да стави вето на Законот за јазици

Професорки бараат Иванов да стави вето на Законот за јазици

Нов министер за здравство - Села излегува од Владата?

Нов министер за здравство - Села излегува од Владата?

Заев и Рама ги посетија Македонците во Пустец

Заев и Рама ги посетија Македонците во Пустец

Бејли: Друг руски гасовод нема да донесе чист воздух

Бејли: Друг руски гасовод нема да донесе чист воздух

Кучиња искасаа дете во Карпош

Кучиња искасаа дете во Карпош

ВМРО-ДПМНЕ: Само граѓаните на референдум може да одлучат околу спорот што го има Република Грција со нашето име

ВМРО-ДПМНЕ: Само граѓаните на референдум може да одлучат околу спорот што го има Република Грција со нашето име

Загадениот воздух извади граѓани на протести

Загадениот воздух извади граѓани на протести