Проблемите на Агрокор го држат регионот буден
Објавено во: Економија 10 Април, 2017
Важно е да се направи се што е можно за да се заштитат компаниите во системот на Агрокор вели главниот економист на Светска банка за Србија Лазар Шестовиќ.
Шестовиќ за РТС вели дека Агрокор се поставува како најголемо економско претпријатие во регионот и дека доколку дојде до „потреси“ на овој систем може да дојде до намалување на економскиот раст.
„За жал имавме неколку години кога немала висок раст српската економија, тој дури сега доаѓа на ниво кое би требало да го има и тоа е охрабрувачка вест за Србија и регионот. Србија извезува во остатокот од регионот така да се надеваме дека ќе има позитивно влијание. Растот може да биде поголем, но постојат екстерни ризици“, објаснил Шестовиќ.
Тој смета дека постојат повеќе видови ризици кои можат да влијаат на економските претпријатија.
„Првиот се однесува на Брегзит, како ќе се одрази на курсот на еврото и каматните стапки. Агрокор е важен за регионот, за Хрватска. Важно е да не се паничи и да не се предизвикуваат верижни реакции. Претпријатието во Србија е профитабилно и се надевам дека нема да оствари негативно влијание“, рекол Шестовиќ .
Истакнал дека Агрокор е најголем проблем кој сите ги држи будни.
„Важно е владите во земјите да реагираат. Хрватска покренала одреден сет мерки, воведување на свој менеџмент, можело и порано. Важно е штоСрбија тргна порано, имавме состаноци, голема непозната е дали билансите и книгите на Агрокор се точни. Добро е што се одржуваат состаноци бидејќи директно се зборува за големината на проблемите“, заклучил Шестовиќ .