Добивај вести на Viber
Наместо до 15-ти март како што беше претходно одредено, годишни даночни пријави ќе можат да се поднесуваат до понеделник, 17 март. Управата за јавни приходи го продолжи рокот за поднесување на пријавите за два дена, бидејќи 15 март се паѓа во сабота.
„Рокот за поднесување на Годишната даночна пријава (ПДД-ГДП) и на Годишниот даночниот биланс за персонален данок на доход (ПДД-ДБ) е 15 март, а бидејќи последниот рок паѓа в сабота, неработен ден, потсетуваме дека според законот, даночните обврзници ќе можат да ги поднесат своите пријави и на 17 март 2014 година, понеделник, како прв работен ден“, информираа од Управата.
Според последните податоци на УЈП, обврската за поднесување годишна даночна пријава до сега ја исполниле 108.763 граѓани, од кои 760 тоа го направиле по електронски пат.