Проекциите за економскиот раст на Албанија се намалија на 3%

Добивај вести на Viber

Албанскиот минисер за финансии Ридван Боде за 2012-та најавува 3 % економски раст на Албанија, што е помалкуод претходно предвидената бројка на Владата во Тирана на 3,4 % раст. Прогнозите на Меѓународниот монетарен фонд пак се уште полоши, па според ММФ растот на албанскиот бруто домашен производ годинава ќе се движи од 0,5 % или 1,3% е проекцијата за 2013-та година. Според албанскиот министер, помалата стапка на економски раст од предвидената била  резултат на должничката криза во еврозоната, пред се  кај соседите Италија и Грција. Како што вели тој, економијата во еврозоната преживува втор удар, како Италија, така и Грција, кои соопштија за пад на БДП во првата половина од годинава за 7 и 12%, што влијаело на забавувањето на економскиот раст во Албанија. За Боде, добро е тоа што државата успеала да одржи позитивна динамика во текот на годината. ММФ на албанската Влада и наложил парите од последните приватизации, како онаа на нафтената компанија „Албпетрол“, да се користат за намалување на надворешниот долг, кој на крајот од првото полугодие од годинава изнесува 5,8 милијарди евра.