Промена на времето во текот на денот
Објавено во: Македонија 25 Јули, 2017
Времето во Македонија денеска ќе биде сончево со умерена облачност, повремено облачноста ќе се зголемува и ќе има локална појава на дожд и грмежи.
Утринската температура ќе се движи од 15 до 22, а дневната температура од 30 до 37 Целзиусови степени. Ќе дува умерен до засилен југозападен ветер.
Во Скопје ќе имаме слично време, утринската температура ќе достигне до 21, а дневната до 34 Целзиусови степени.
Во четврток врнежи ќе има на повеќе места, а локално ќе бидат пообилни и проследени со ретки грмежи. Дневната температура во следните два дена ќе бележи постепено опаѓање, а позначителен пад ќе има во четврток, кога ќе биде и најсвежо.