Пропаднаа преговорите за новата влада во Германија-иде ли крајот на Меркел?

Добивај вести на Viber

Германската канцеларка Ангела Меркел објави дека нејзиниот обид за формирање нова влада не успеал. Овие нејзини зборови предизвикаа сомневања за нејзината политичката иднина, како и дали потенцијално не претстојат нови, предвремени избори во четвртата по големина економија во светот, пишува Bloomberg.

Преговорите за нова коалициска влада во Берлин, кои траеја еден месец, завршија со драматичен неуспех пред полноќ во неделата. Слободната демократска партија, која беше еден од потенцијалните партнери за коалиција, се повлече од договорот, за кој Меркел кажа дека е близу до склучување.

По 12 години на функцијата што ја претворија во сидро на стабилност во Европа во време на кризи, Меркел рече дека останува како вршител канцелар и дека ќе се консултира со претседателот Франк-Валтер Штајнмаер во понеделникот што претстои. Неуспехот на коалициските преговори е знак дека е достигната границата на прагматичен, неидеологичен стил на управување на Меркел. Сега нејзината способност да остане на чело уште четири години е значително намалена.

„Во најмала рака, тоа е ден за темелно истражување на иднината на Германија“, коментира Меркел пред новинарите по неуспехот на преговорите и додаде: „Како канцелар, како службен канцелар, јас ќе направам се за да се уверам дека оваа земја продолжува да биде добро управувана за време на тешките недели пред нас“.