Прв пат во историјата: Јавниот долг на САД без лимит
Објавено во: Економија 12 Септември, 2017
Јавниот долг на САД, прв пат во историјата на таа држава, ја проби границата од 20 000 милијарди долари.
До тоа дошло откако Белата куќа му дозволила на Министерството за финансии да позајми дополнителни средства, пренсува Бизнис инсајдер.
Вкупниот јавен долг минатиот петок достигнал 20 160 милијарди долари, истиот ден кога американскиот претседател Доналд Трамп потпиша закон со кој се суспендира лимитот на долг и дозволува продолжение на задолжувањето на федералната влада до 8 декември.
Јавниот долг на САД сега го надминува бруто домашниот производ на земјата, кој според проценките, достигнал 19.230 милијарди долари во вториот квартал од годинава.