Птичји грип во Бугарија, најкритично во Пловдив
Објавено во: Балкан 15 Јануари, 2017
Високо патогениот вирус на птичјиот грип од типот Х5Н8 е регистиран на 55 живинарски фарми во Бугарија.
Затоа ќе бидат уништени уште 130.000 домашни птици, соопшти вчера бугарската мнистерка за земјоделство, Десислава Танева.
Со тоа вкупниот број на уништени птици во Бугарија од појавата на птичјиот грип кон средината на минатиот месец, ќе се зголеми на околу 430.000.
Во рамки на мерките за спречување на ширењето на болеста, властите воведоа карантин околу фармите на кои се регистирани птици инфицирани со вирусот Х5Н8.
Покрај кај домашните птици, птичјиот грип во Бугарија е регистриран и кај четири диви патки.
Болеста е најраширена во Пловдив, каде се уништени и најголемиот број птици, пред се патки.
„Во Бугарија во изминативе години птичјиот грип главно ги погодуваше дивите птици. Ова е првпат да имаме волкава епидемија на живинарските фарми“ - вели Танева.
Поради појавата на птичји грип во Бугарија во сила е забрана за трговија со живина и за лов на диви птици. За уништување на птиците Бугарија досега потроши половина милион евра.
Фармерите чии птици се убиени се загрижени.
По ова се очекува цената на јајцата да се зголеми за 10%.