Пукање со пиштол во скопската населба Бутел
Објавено во: Македонија 17 Февруари, 2018
Вербална расправија, тепачка, па пукање со пиштол и четворица повредени. Ова се случило денес во скопската населба Бутел. Од МВР соопштуваат дека никој не е повреден од оружјето.
Според официјалните информации од полицијата, денеска пред 15 часот, на улица Бетовенова во Скопје најверојатно поради, нерасчистени имотно-правни односи, се степале две групи, од едната страна биле тројца учесници, а нивните противници биле двајца. Првата група, дошла пред куќата на противниците, и почнале тепачка со еден од нив, по што негов роднина налетал со возило, и удрил во тепачите, а потоа дошло и до пукање во воздух. Од куршумите не настрадал никој, повредите на тројцата се од ударот со возилото, а на четвртиот од другата страна повредите му биле од тепањето. Сите се префрлени во болница, а лицето кое пукало е приведено во станицата во Чаир.