29 Март, 2024
0.0294

РАБОТЕН ВЕК: Исланѓаните работат 47,4 години од животот, а ние?

Објавено во: Економија 25 Септември, 2017

Добивај вести на Viber

Македонците се меѓу последните во Европа по времетраење на работниот живот. Во нашата држава работниот век трае 31 година додека просекот во рамките на Европската Унија е 35,6 години, покажуваат податоците на Евростат, европската статистичка служба. Според статистиката, македонските мажи работат дури 13 години повеќе од жените, односно просечниот работен живот на мажите изнесува 37,2 години, а на жените само 24,4 години.

Статистичкиот показател „времетраење на работниот век“ го мери бројот на години што едно лице на возраст над 15 години може да очекува да биде активно на пазарот на трудот, било вработено или невработено, во текот на животот.

Според овој показател, во европски рамки, статистиката разликува три главни групи на земји, плус по една држава која се издвојува на секоја страна од спектарот, Исланд е осамен на врвот, а Турција е закована на дното. Првата група ја сочинуваат земјите со низок ранг (под 35 години работен век) и во неа се Белгија, Луксембург, Италија, Малта, Полска, Словачка, Унгарија, Словенија, Хрватска, Романија, Бугарија, Македонија и Грција. Втората група земји каде што работниот век е од 35 до 39,9 години ги вклучува Португалија, Шпанија, Кипар, Франција, Германија, Австрија, Чешка, Ирска, Велика Британија, Финска, Естонија, Латвија, Литванија и Норвешка. Понатаму на скалата се Шведска, Данска, Холандија и Швајцарија, кои ја чинат третата група, со очекуван работен век од 40 до 44,9 години.

На врвот, Исланѓаните се недостижни за останатите европски нации. На далечниот северен остров просечниот работен век изнесува 47,4 години. Сосема на спротивниот крај на скалата е Турција, каде луѓето просечно работат по 28,5 години.

Во последните десет години, очекуваниот животен век со ЕУ се зголемува за 1,8 години во 2016 година. Работниот век на жените во ЕУ во периодот 2006- 2016 година се зголеми од 30,6 години на 33,1 години. Очекуваниот животен век на мажите се зголемува 1,1 година од 38 години во 2006 година на 39,1 години во 2016 година, забележува Еуростат.

Меѓу жените во ЕУ, најдолг работен век имаат Швеѓанките 40,3 години, а кај мажите Холанѓаните 42,5 години. Апсолутни шампиони во Европа се исландските мажи и жени, чиј работен век е долг 49,7 години, односно 45,1 години.

(М.Б.)


Можеби ќе ве интересира

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

Од 1 април зголемена минимална плата во Грција

Од 1 април зголемена минимална плата во Грција

ДУИ со експанзија во угостителството

ДУИ со експанзија во угостителството

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

Во што „Стопанска банка Скопје“ вложи 40 милиони евра? Се спрема кредитна офанзива!

Во што „Стопанска банка Скопје“ вложи 40 милиони евра? Се спрема кредитна офанзива!