РАХОЈ ИМ СЕ ЗАКАНИ НА КАТАЛОНЦИТЕ: Какви мерки ќе преземат?
Објавено во: Свет 11 Октомври, 2017
Доколку прогласувањето независност биде потврдено, Мадрид се закани со укинување на автономијата на Каталонија.
Шпанската влада денеска одржа вонреден Совет на министри на кој се разговараше за наредните чекори во деликатното каталонско досие.
„Советот на министри одлучи утринава да испрати официјално барање до регионалната Влада на Каталонија со кое ќе побара регионот да објасни дали е прогласена независност на Каталонија”- изјави шпанскиот премиер, Мариано Рахој.
Тој додаде дека оваа барање е во рамките на членот 155 на шпанскиот Устав и е дел од процедурата за укинување на автономијата.
Рахој рече дека работи во интерес на сите Шпанци и Каталонци.
Рахој напиша порака на Твитер, а неговите зборови се протолкувани и како закана за апсење на највисоките каталонски политичари.
„Сакаме да понудиме јасност и судска безбедност. Одговорот на каталонскиот регион ќе ги определи настаните во наредните денови.”Декларацијата за независност беше потпишана синоќа во Барселона, а потпис ставија сите про-независност пратеници на каталонскиот парламент. Претседателот на каталонската Влада Карлес Пучдемонт смета дека ова е “симболичен акт”- изјави денес неговиот портпарол.
Европската комисија денеска се огласи со повикот на потполно почитување на уставниот поредок на Шпанија, којашто е зафатена од кризата откако нејзината автономна покраина Каталонија по референдумот од 1-ви октомври прогласи независност, којашто веднаш потоа беше суспендирана или одложена од страна на каталонските власти.