„Рајски документи“: Луис Хамилтон избегнал да плати 17 милиони фунти за данок

Добивај вести на Viber

Името на Луис Хамилтон се појави меѓу финансиските документи објавени од страна на Интернационалниот конзорциум за новинарски истраги (ICIJ) „Рајски документи“.

Светскиот шампион во Формула 1 избегнал да плати милиони за неговиот приватен авион. Истрагата беше емитувана на БиБиСи .

Точната сума не е пријавена бидејќи истрагата е во тек. Според документите, 32-годишниот Хамилтон успеал да поврати 3,3 милиони фунти по купувањето. Авионот на Challenger 605 на канадската компанија Bombardier чини 16,5 милиони фунти.

Авионот е доведен на островот Ман во 2013 година. Според законите секое летало купено надвор од Европската унија, подлежи на оданочување со 20% ДДВ, за да може да се движи слободно низ континентот. Хамилтон ќе има право на даночна концесија ако авионот се користи само за деловни цели. Документацијата, сепак, покажува дека една третина од патувањата се од приватна природа.

Адвокатите на Мерцедес им објаснија на истражувачите дека не постои ништо нелегално. 

„Како глобален спортист кој плаќа данок во голем број земји, Луис се потпира на тим од професионални советници кои ги движат неговите дела. Овие советници го уверија Луис дека сè е во ред и прашањето е во рацете на неговите адвокати“, соопшти портпаролот на Хамилтон.