„Рајските документи“ стигнуваат пред министрите на ЕУ

Добивај вести на Viber

Министрите за финансии на Европската унија во вторникот на состанокот во Брисел ќе разговараат за воспоставување на „црни листи на фискални раеви“ после откритијата од таканаречените „Рајски документи“.

Таа тема е зацврстена во дневниот ред на утрешниот состанок бидејќи во текот на викендов неколку медиуми објавија детали од таканаречените „Рајски документи“ - финансиски документи кои откриваат трансакции на високи јавни личности во даночни раеви.

Податоците се добиени воглавно од „протекување на документи“ од меѓународната адвокатска фирма Appleby на Бермудите.

Европскиот комесар за финансии Пјер Московски рекол дека при доаѓање на состанокот на министерот за финансии на ЕУ во Брисел дека во „светло на овие нови шок откритија“ земјите членки на ЕУ треба итно да усвојат листа на фискални раеви, со соодветни санкции, како и прописите кои ги опфаќаат фискалните посредници.

Московски рекол дека тоа е „Морално неопходно и политички итно“, пренесува Франс прес.

„Овој нов скандал покажува уште еднаш дека некои фирми и богати поединци се подготвени на се за да не платат данок. Европските граѓани тоа веќе нема да го трпат. И имаат право, тоа е неподносливо“.

Тој рекол дека Европската нија направила многу нешта во текот на последните три години да ги натера европските земји да ги променат законите, но дека има „уште многу да се направи“.