Расизмот на Трамп извади на „Тајмс сквер“ стотици протестанти
Објавено во: Свет 16 Јануари, 2018
Стотици луѓе, од кои мнозинството се Американци со хаитско потекло, се собраа на "Тајмс сквер" во Њујорк, за да ги осудат расизмот и изјавите на претседателот Доналд Трамп, кои ги понижија африканските земји и Хаити, пренесоа американските медиуми.
Кон протестот се приклучија политичари, вклучувајќи го градоначалникот демократ Бил де Блазио. Демонстрантите носеа хаитски знамиња и слоган "Мир, љубов, моќ, сон".
Трамп беше обвинет дека користел вулгарни изрази за африканските земји и поставил прашањето зошто во САД да биде дозволен влез на уште имигранти од Хаити, а не од Норвешка.
Претседателот тврди дека немал слични изјави, дека не е расист и дека има прекрасни односи со народот на Хаитите.