Добивај вести на Viber
Сопственикот на познатиот бренд Зара- шпанската Индитекс, успеа да се избори со европската криза и забележа 27% раст на нето добивката за првите девет месеци од 2012 година. Позитивниот финансиски резултат од 1.65 милијарди евра се должи на доброто претставување на брзорастечките пазари и флексибилноста при воведувањето на новите модели облека, пренесува Ројтерс.
Најголемиот трговец во светот добивка од 2.78 милијарди евра пред оданочувањето. Приходите од продажба се зголемиле за 17 отсто, до 11.360 милијарди евра. Компанијата отвори голем број продавници во брзорастечките пазари како Кина со главната цел да ја намали својата зависност од Шпанија, каде што потрошувачката се намалува поради втората рецесија во последните три години.
Резултатите на компанијата се совпаѓаат со очекувањата на аналитичарите, кои предвудеа профит од 1.65 милијарди евра и продажба за 11.330 милијарди евра.
Брендовите од оваа групација, во чие портфолио се модните брендови како Зара, Бершка, Масимо Дути, Страдивариус и други, се присутни и на македонскиот пазар, од октомври годинава во Скопје сити мол.