Разрешениот Донев обвинува за „сервилен популизам“ и порачува луѓето да не веруваат во секакви глупости

Добивај вести на Viber

Поранешниот директорот на Агенцијата за туризам, Александар Донев денеска преку Фејсбук  се огласи по неговото разрешување од 30 јануари.

Тој на оваа тема напиша пост на својот Фејсбук профил. Донев обвинува дека нема време да ги реализира процесите што ги започнал во Агенцијата и како што вели, борбата да ја доведе во ред, со таква „институционална поставеност и политички контекст“, како и за „сервилен популизам“. 

„Сметам дека сега не е ниту време ниту место да зборам за што се случуваше овие неколку месеци, процесите кои ги започнав, а немав време да ги реализирам и борбата што ја имав за да ја доведам во ред агенцијата и колку тоа е можно со ваква институционална поставеност и во ваков политички контекст. Ќе го направам тоа во иднина – ветувам. Сега би сакал само да апелирам да не верувате на секакви глупости што читате по некои медиуми и секако да прочитате и нешто повеќе од насловот. Не верувајте во сервираниот популизам и не ги глодајте коските фрлени за да се заситат гладните за сеир и жртва додека вистинските проблеми остануваат скриени“ - пишува тој. 

Тој не ја почитува одлуката на Владата за разрешување иако не се сложува со истата. 

Владата го разреши Донев поради, како што беше кажано несовесно и невнимателно работење.

Донев беше критикуван во ноември минатата година, кога се обелодени дека тој патувал до Аргентина со лет од бизнис класата, за што платил 220 000 денари.

Тој е долгогодишен граѓански активист и учесник во „Шарената револуција“.