СОБРАНИЕТО ЌЕ МУ ПРЕСУДИ: Разрешувањето на Зврлевски во раце на пратениците
Објавено во: Македонија 19 Јуни, 2017
Предлогот на Владата за разрешување на јавниот обвинител Марко Зврлевски стигна во Собрание.
Сега за предлогот кој е потпишан од генералниот секретар Драги Рашковски, откако на петтата седница Владата одлучи дека Зврлевски не може да си ја врши својата работа е на потег да одлучуваат се пратениците.
Се очекува Собранието да закаже седница на која ќе се разгледува предлогот разрешување на државниот јавен обвинител а Зврлевски има право да присуствува на седницата на која пратениците ќе расправаат за разрешувањето и да се произнесе по овој предлог.
Со осум гласа „за“ и еден против, Советот на јавни обвинители даде зелено светло за предлогот на Владата за разрешување на досегашниот Републички јавен обвинител Марко Зврлевски.Зврлевски функцијата републички јавен обвинител ја извршуваше четири години. На оваа позиција дојде од скопското јавно обвинителство наследувајќи го дотогашниот обвинител Љупчо Шврговски. Беше единствен кандидат на огласот, а Собранието го изгласа на 21 Јануари 2013 година, во вечерните часови со 58 гласови “за“ и ниту еден против или воздржан. Зврлевски важи за близок човек на претходната владејачка структура предводена од ВМРО ДПМНЕ. На свечената заклетва Зврлевски се обврза дека ќе пристапува непристрасно и дека ќе ги почитува сите принципи и правила.