Реакција на Саша Броз - Се занимаваат со Тито и 37 години по неговата смрт
Објавено во: Балкан 27 Јуни, 2017
Саша Броз, внуката на Јосип Броз Тито доживотниот лидер на поранешна Југославија, реагираше на својот Фејсбук профил за популистичките најави на градоначалникот на Загреб Милан Бандиќ кој побара да се смени името на плоштадот кое го носи името на „мрашалот“.
- Како прво, драги пријатели, сакам на сите да ви се извинам, бидејќи оние кои ги гласавме не се занимаваат со вас/нас, туку со човек кој е мртов 37 години. Искрено ми е жал што очигледно квалитетот на животот во метрополата е помалку важен од името на еден плоштад.
Би сакала да ве утешам и да ви кажам "фала Богу ја тргнаа" и таа тема ќе биде ставена ад акта...се извинувам повторно, бидејќи знам дека нема. За жал. Лоботомија на луѓето не можеш да им направиш со забрани, статуи и плоштади, бидејќи ѓаволот гледа и жолто и црно и црвено и зелено...луѓето знаат како се вика тој плоштад и зошто. Оние носталгичните можат да се прошетаат по некој од братските плоштади и улици во соседството или да одат до Кипар, уште подалеку до Москва или уште подалеку до Индија.
Тито заминал во историјата? "Оуууу јеах" уште одамна и таму ќе остане безбеден од статуи и плоштади.
Верувајте ми дека ако дедо ми ја види Рватска денес, сам ќе ја отстрани плочата од плоштадот. Одамна.
На крајот, се извинувам и поради невидениот медиумски терор кој сите заедно го трпиме поради најважната споредна работа на светот - а не е фудбал.
А сега...ајде да работиме", напиша Саша Броз.