21 Септември, 2017
0.0341

РЕБАЛАНС ПРЕД ПРАТЕНИЦИ: Дали македонскиот пица-буџет ќе ги угаси апетитите?

Објавено во: Економија 17 Јули, 2017

Ребалансот за буџетот е пред пратениците. Од денеска стартува собраниската расправа за прекроената државна каса. Опозициската ВМРО-ДПМНЕ поднесе 1.000 амандмани за кои ќе треба да се расправа. Комисиската расправа за ребалансот може да трае 10 дена, додека пленарната седница 5 дена. Тоа значи дека до втори август прекроениот буџет треба да биде изгласан.

Со ребалансот на буџетот за годинава, планирано е да се потрошат 3,3 милијарди евра или околу 50 милиони евра помалку од она што беше првично предвидено. Во државната каса ќе може да се прибeрат 3 милијарди евра или повторно околу 50 милиони евра помалку од она што беше планирано со буџетот. При тоа, кусокот во државната каса, односно дефицитот ќе изнесува 302 милиони евра, или приближно исто колку што беше и без ребалансот.  

За Владата со ребалансот се скратени непродуктивните трошења, луксузирањето на државна сметка и проектите чија реализација има доцнење, додека пак за опозицијата, кратењата се тенденциозни и тоа токму кај проектите почнати од претходната влада.

Со релабалнсот на буџетот, околу 7 милиони евра помалку добива премиерот, потоа 95 илјади евра помалку за трошење ќе има претседателот на државата, скратен е буџетот и на Основното јавно обвинителство, потоа кратења има кај Министерството за земјоделство, за животна средина, транспорт и врски, образование и наука, за здравство, за одбрана, додека кај Министерството за надворешни, за информатичко општество и за труд и социјална работа пак има зголемување на буџетите.  

Но, иако дел од буџетите на министерствата се помали сепак, она што е видиливо е дека парите сепак се пренаменети за она што се сметало за приоритет. Па така, иако Министерство за земјоделство ќе има помал буџет за околу 700 илјади евра, сепак за земјоделство и рурален развој се предвидени повеќе пари и тоа од 1,8 милиони евра.

Во ова министерство практично се скратени заемите од околу 2,5 милиони евра што биле планирани да се земат за проектите чија реализација трае со години, односно за хидросистемот Злетовица и проектот Јужна долина на Вардар. За Јужна долина на Вардар планирани биле заеми од 2 милиони евра, а сега се скратени на 455 илјади евра, додека од буџетот за оваа намена се предвидени 1 милион евра или околу 65 илјади евра помалку. Додека за проектот Злетовица биле предвидени заеми од 1 милион евра, а сега со ребалансот нема да има заеми за оваа намена, додека од буџетот за овој проект се предвидени 138 милиони евра.

Огромно кратење на буџетот  од 20 милиони евра има кај Министерството за образование. При тоа околу 360 илјади евра се скратени од кредити.

При  тоа 1,2 милиони евра се скратени од изградба на зградата на ФИНКИ, потоа 840 илјади евра биле предвидени за Универзитетот Дамјан Груев, сега за тоа нема предвидено воопшто пари, предвидени се помалу пари и за изградба на спортски сали во основни училишта и тоа за 1,7 милиони евра, 540 илјади евра помалку ќе има и за изградба и реконструкција на основни училишта, 360 илјади евра помалку за изградба и реконструкција на средни училишта, а 2,5 милиони евра помалку има предвидено и за изградба и реконструкција на студентски домови, 3 милиони евра се скратени од проекти во средно образование каде влегува укинувањето на програмата Кембриџ. Кратења има и во високото образование, па речиси сите факултети добиваат помалку пари.

Но, повеќе пари се предвидени за ученички и студентски стандард.

Министерството за одбрана добива 8,3 милиони евра помалку со ребалансот. За модернизација на АРМ се предвидени 10 милиони евра помалку, потоа 98 илјади евра се предвидени помалку за интерграција во НАТО.  Повеќе пари се предвидени за реформи во Министерството за одбрана и за меѓународнии активности,  како и за функционирање  на АРМ, за мировни и хуманитарни мисии.

Кај Министерството за здравство вкупниот буџет е намален за 4,4 милиони евра, кај Министерството за култура е намален за 3,7 милиони евра, додека повеќе пари ќе има кај Министерството за труд и социјална политика, кај информатичко општество, Агенцијата за спорт и млади, тие се само дел од институциите се зголемен буџет.  

Н.С.

Можеби ќе ве интересира

РУСИТЕ ГО МЕНУВААТ ПЛАНОТ: Од каде милиони за Турски тек?

РУСИТЕ ГО МЕНУВААТ ПЛАНОТ: Од каде милиони за Турски тек?

Стопанска банка Битола: И со Макпетрол и со Балкан Петролеум соработуваме согласно позитивните законски прописи

Стопанска банка Битола: И со Макпетрол и со Балкан Петролеум соработуваме согласно позитивните законски прописи

Падна историска одлука: САД повлекуваат милијарди

Падна историска одлука: САД повлекуваат милијарди

Како да го транфсормирате бизнисот во екот на новата технолошка револуција?

Како да го транфсормирате бизнисот во екот на новата технолошка револуција?

Колку заработуваат трите најголеми приватни универзитети во Македонија?

Колку заработуваат трите најголеми приватни универзитети во Македонија?

Кои се највисоки државни органи што контролираат криминал со нафтени деривати?

Кои се највисоки државни органи што контролираат криминал со нафтени деривати?

Никој не купи акции од Агромеханика АД Скопје

Никој не купи акции од Агромеханика АД Скопје

Еврото ја добива битката, „швајцарецот“ на колена

Еврото ја добива битката, „швајцарецот“ на колена

ВЛАДАТА ЌЕ СЕ ОПАРИ: На 26 септември ќе добие 7 милиони евра дивиденда од Телеком

ВЛАДАТА ЌЕ СЕ ОПАРИ: На 26 септември ќе добие 7 милиони евра дивиденда од Телеком