„Рено“ затвора фабрики во Европа ?

Добивај вести на Viber

Францускиот производител на автомобили „Рено“ не ја исклучува можноста од затворање на фабрики во Европа поради лошата состојба на европскиот автомобилски пазар, изјави генералниот директор за оперативни прашања Карлос Таварес во интервју за германскиот магазин „Аутомобилвохе“. - Ќе видиме. Моментално разговараме со синдикатите и се трудиме да им објасниме со какви проблеми се соочуваме во конурентноста. Имаме проблем со конкурентноста во Западна Европа и Франција, нагласи Таварес. Генералниот директор за оперативни прашања на „Рено“ нагласи дека обединувањето на компанијата со јапонскиот производител на автомобили „Нисан“ овозможува на француската компанија да располага со прецизни податоци за продуктивноста на фабриките на „Нисан“ во Сандерленд, Велика Британија, како и во Барселона, во Шпанија. - Овие фабрики се навистина најдобри, истакна шефот на „Рено“, нагласувајќи дека водат преговори со „Нисан“ за евентуално ослободување на производствени капацитети за „Рено“.