Добивај вести на Viber
„Гинисовиот рекорд е соборен, досегашниот рекорд изнесуваше 3.025 литри рибна чорба, а ние веќе имаме 3.300 литри. Чорбата е готова, сè е регистрирано со видео-запис и сето ќе биде заверено на нотар. Спроведени се инструкциите од Гинис, така што не очекуваме ништо друго освен потврда на соборениот рекорд“, изјави Љубен Арнаудов, претседател на Здружението „Богојавление“ на одбележувањето на Денот на рибарите во Охрид.
За подготовка ќе бидат употребени 500 килограми лосос, 200 килограми ослиќ и 150 килограми калифорниска пастрмка, како и 140 килограми морков, 50 килограми целер, 20 килограми пашканат, 110 литри масло, 100 килограми брашно за запршката, 200 врзалки магдонос и 20 килограми зачин и сол.
Според организаторите, чорбата чинеше околу 4 000 евра, а по цена од 50 денари се продаваа и дрвени чинии во кои можеше да се земе и вкуси охридскиот специјалитет.