РОДОВА (НЕ)ЕДНАКВОСТ ВО ПОЛИТИКАТА
Објавено во: Анализа 11 Октомври, 2017
Комплетно и рамноправно учество на жените во сите сфери на политичкиот процес е значајно за секоја демократија. Рамноправноста меѓу жените и мажите е едно од основните права и слободи во уставниот систем на земјава. Сепак, ова поубаво звучи, од тоа што реално изгледа.
Македонија сè уште е заглавена со стереотипите, ако ја анализираме родовата еднаквост во земјава. Стратегијата за родова еднаквост од 2013, учеството на жените во политиката го оценува како главна цел. Учеството на жените на лидерски позиции на национално и локално ниво е важен фокус за глобален развој на политиката. Законската рамка сугерира минимална квота од 40% на жени на листите за парламентарните и локалните избори. Но, оваа бројка на т.н втор пол, тешко се остварува.
