РОМАНЦИТЕ ПОБЕДИЈА: Владата го повлекува спорниот закон
Објавено во: Балкан 04 Февруари, 2017
Премиерот на Романија, Сорин Гриндеану, за да ги спречи масовните протести, изјави дека утре на владина седница ќе ја повлече контроверзната одредба со која ќе се декриминализираат многу случаи на корупција на функционери.
Тој додаде дека после тоа ќе се отвори дијалог во јавноста за да се најде решение за спорната одредба.
Веста се прошири улиците на Букурешт, а демонстрантите веќе почнаа да слават.
Ваква одлука најави и коалицискиот партнер на владејачките социјалдемократи.
Илјадници демонстранти го „окупираа“ Букурешт и протестираа против таа мерка, која ја донесе владата под водство на ПСД, што е на власт од 4 јануари.
Се очекува протестите низ целата земја да продолжат и следната недела.
Според уредбата, корумпираните функционери би завршиле во затвор само ако злоупотребените пари надминат сума од 200.000 леи (47.500 долари). Уредбата која ја прифати владата, и таа веднаш стапи на сила.
Оваа мерка дури им дозволува на корумпираните министри и директори целосно да ја избегнат казната во некои случаи, на пример кога криминалот се случил меѓу членови на исто семејство.
Уставниот суд во меѓувреме доби три петиции со барање да се преиспита легалноста на уредбата која предизвика критики од Европската Унија и САД.
Ова беа најмасовни протести во земјата од 1989 година наваму.