РУСИТЕ БЕСНИ: Моментот од атентатот врз рускиот амбасадор прогласен за фото на годината
Објавено во: Свет 15 Февруари, 2017
Руското министерство за надворешни работи е бесно што жирито на World Press Photo 2017 моментот од атентатот на рускиот амбасадор во Анкара е прогласен за фото на годината. На сликата е забележан екс полицаецот Мевлут Алтинаш кој со пиштол пукаше во грбот на рускиот амбасадор Андреј Карлов пред очите на бројните медиуми и потоа моментот беше пренесен насекаде низ светот.
Постапката е неморална бидејќи станува збор за одземање на човечки живот и тоа на амбасадор кој во моментот бил на должност со што само им се дава на значење на терористите, смета Руското министерство за надворешни работи.
Сликата ја направи фотографот Бурхан Озличи од Асошиејтед Прес, но и самиот претседател на жирито Стјуарт Френклин смета дека изборот ги прекршил новинарските норми на морал.