РУСИТЕ ЈА ПРОДАДОА СВОЈАТА ГОРДОСТ: Кој ќе „пука“ сега од калашников?
Објавено во: Свет 16 Февруари, 2018
Рускиот произведувач на оружје Калашников од сега е мнозински сопственик во раце на приватни инвеститори, соопшти таа компанија, јави агенцијата АФП.
Државната фирма Ростек соопшти дека го намалила учеството од 51 отсто на 25 отсто во корист на генералниот директор Алексеј Криворучк, кој е веќе приватен акционер во фабриката за оружје.
„Трансакцијата изнесува повеќе од 1,5 милијарди рубљи (околу 21 милион евра според сегашниот курс)“, наведува руската фирма Калашников.
Постепено намалување на уделот на руската држава доаѓа во рамки на промени внатре во раководството на компанијата. Со доаѓање на приватни инвеститори од 2013 е изменет имиџот на компанијата кој понудил нови модели и ги проширил програмите на облека, ножеви и сувенири.
Акцентот е ставен на извозот и покрај американските санкции и украинска криза. Компанијата Калашников соопшти во јануари дека ќе отвори 1 700 работни места, што е зголемување на работната сила од 30 отсто како би одговорила на поголемата побарувачка за извоз.
Михаил Калашников, кој ја дизајнирал најпознатата светска пушка АК-47 , почина во 2013та год. Автоматската пушка која го доби името по него е направена во 1947 година и е омилено оружје на многу војски, но и герилци и терористи.