Русите не ги хакирале американските избори, Путин си гувее
Објавено во: Свет 19 Февруари, 2018
Портпаролот на рускиот претседател Путин, Дмитриј Песков се огласи откако одделот за правда на САД официјално обвини 13 руси и неколку компании за мешање во американските претседателски избори од 2016 година. Тој јасно негираше каква било вмешаност на Русија во изборите.
Ова произлезе откако обвинението соопшти дека некој бизнисмен близок на Путин, креирал лажни профили на социјалните медиуми кои наводно биле базирани во САД и ги користеле за ширење на разни пораки за различни цели.
Одделот за правда соопшти дека целите вклучуваат поткопување на вербата во демократијата на САД, омаловажување на кандидатот Хилари Клинтон и помагање на нејзиниот ривал, Доналд Трамп, кој победи на изборите.
Во изјавата за новинарите, Песков рече дека "обвинението се фокусира на руските граѓани, додека во соопштенијата од Вашингтон постојат обвинувањата за вклучување на руската држава, Кремљ и на руската влада".
"Нема индикации дека руската држава би можела да се вклучи во ова. Нема ниту еден показател и не може да има", изјави Песков.