Русите затвораат, нема веќе гас за Турција преку овие земји
Објавено во: Балкан 16 Март, 2017
„Гаспром со пуштањето во работа на морскиот дел „Турски тек“ ќе ја запре испорката на гас за Турција преку Романија и Бугарија, според договорот меѓу Русија и Турција.
„Земјите тргнуваат од тоа дека гас од Русија, кој во Турција се испорачува од границата на Бугарија, од денот на пуштање во работа на морскиот дел 1 (прва линија на Турски тек) ќе биде испорачан преки морскиот дел 1“, се наведува во документот објавен на официјалниот сајт за правни информации.
До пуштање во работа на морскиот дел на Турски тек во договорот за испорака на гас од Русија во Турција преку територијата на Бугарија треба да се стават измени за местата на испорака и технички услови, се наведува во меѓународниот договор. Промените нема да влијаат на комерцијалните услвои за договорот за снабдевање со гас.
Русија траспортира гас во Турција преку „Син тек“ и Транс-балканскиот гасовод преку Украина, Молдавија, Романија и Бугарија. На тоа начин испораката на гас во Турција преку Транс-балканскиот гасовод ќе биде прекината со пуштање во работа на Турски тек.
Русија и Турција на 10 октомври лани потпишаа меѓународен договор за проектот Турски тек, чиј изведувач е Јужен тек транспорт.
Со документ е предвидена изградба на две линии гасовод под Црното море со капацитет по 15,75 милијарди куби метри гас. Една линија е предвидена за испорака на гас директно на турскиот пазар, а другата за испорака на гас со транзит преку Турција во европските држави.