Руското МНР за Балканот: Неприфатливо е размислувањето за прекројување на границите
Објавено во: Свет 21 Април, 2017
Сметаме дека е неопходно меѓународната заедница одлучно да им укаже на Тирана и на албанските политичари во другите балкански страни на неприфатливоста на актуелизирањето на територијалните претензии и размислување за прекројување на границите во регионот, реагираше денеска Службата за информирање и медиуми на Министерството за надворешни работи на Русија.
„Ги повикуваме западните партнери да се придржуваат на духот на меѓународното право и здравиот разум, а не во лоши шеми на двојни стандарди. Со особена зачуденост ги следиме редицата неодамнешни изјави на албанските политичари за прекројувања на границите на Балканот. Констатираме дека среде шумот на празните обвинувања на Русија за обиди за дестабилизација на состојбата во Југоисточна Европа, се преземаат мерки за заживување на Големоалбанскиот проект, а сега базирани на уставот на Албанија, кој на Тирана и дава право на заштита на интересите на Албанците во другите земји“- додаваат од руското МНР.
Во наведува дека во тој дух се изјавите на албанскиот премиер Еди Рама и косовскиот претседател Хашим Тачи за обединување на делови од Србија со Косово, а „под покритие на лицемерните разговори за стабилизација во регионот под чадорот на НАТО всушност се поткопуваат темелите на стабилноста. Од руското МНР велат дека се фаќа курс кон прекројување на балканските граници и нагло се зголемува нивото на потенцијалите за конфликти.