САД токми забрана за лаптопи и таблети во летовите од Европа
Објавено во: Свет 11 Мај, 2017
Користењето на лаптопи и таблети може да биде забрането на летовите од Европа до САД. Администрацијата на претседателот Доналд Трамп се подготвува да ја прошири забраната за големи електронски уреди, така што вклучи во листата и некои европски земји, соопштија претставници на власта, цитирани од Reuters.
Во март ограничувањето за користење на лаптопи за време на лет беше наметнато за аеродромите во претежно муслимански земји како Обединети Арапски Емирати, Саудиска Арабија, Катар и Турција. Тие добија забрана да качуваат уреди, ако тие се поголеми од мобилен телефон.
Мерката е донесена од безбедносни причини, во обид да се ограничат можностите за терористички напади за време на летовите. Загриженоста е дека бомбите би можеле да се камуфлирани како литиум-јонски батерии и дури оставени во багажниот простор, да експлодираат во воздух.
Патниците, од своја страна, протестираат против рестрикциите и инсистираат да им се даде можност да ги користат уредите, особено за време на подолги прекуокеански летови.
Секое проширување на забраната може да влијае директно врз американските превозници како United Airlines (UAL.N) Delta Air Lines Inc (DAL.N) и American Airlines Group (AAL.O).
Денес се очекува да биде одржана средба меѓу експерти од Министерството за внатрешна безбедност на САД и претставници на авиокомпаниите за да разговараат за прашања поврзани со безбедноста. Брифинг пред сенаторите по темата за воздухопловството ќе даде секретарот за безбедност Џон Кели.
Малку откако САД ги наложи рестрикциите Британија го следеше примерот и исто наметна такви ограничувања, но од други дестинации. Извори велат дека проширувањето на забраната сега ќе вклучи и летови токму од Островот до САД.