Сакате да трошите два пати помалку пари за храна? Следете ги овие 3 совети!
Објавено во: Финансии 24 Февруари, 2017
Храната е примарно перо во буџетот на сиет домаќинства. Ако оставате половина плата во супермаркет, а барате начин да го промените тоа, слушајте ги советите на Стив и Анет Економидес. Тие напишале цела книга на оваа тема како да ги намалите трошоците за храна на половина.
Двојката наведува дека благодарение на внимателно планирање тие ја купуваат целата храна, неопходна за месецот, само со една посета на два супермаркети, а за тоа им требаат четири часа.
Еве што советуваат тие:
1. Планирајте ги оброците
Планирањето на цело месечно мени може да звучи застрашувачко, но ако сакате да ги намалите сметките за храна на половина, ова е начин како да го направите. Започнете со неделно планирање и зголемувајте го периодот. Ако одите до продавница без листа, тогаш е време да ја преиспитате својата стратегија.
Добро е да се провери пред шопинг со што имате дома и што ви е потребно, а потоа да си составите листа и да се воздржувате од импулсивни купувања во продавницата.
2. Купувајте на промоции
Користете ги брошурите на продавници за да ги следите промоциите . Така можете да ги добиете потребните производи по прилично пониска цена. Купувањето на поголеми количини намалена стока ви помага да имате наполнет плакар и замрзнувач и да ги искористите предностите на поевтини производи.
3. Ограничување на посети на продавницата за намирници
Ако имате навика да одите до продавница неколку пати неделно, вие најверојатно ќе потрошите повеќе пари, правејќи непотребни купувања. Семејство Економидес советува да ги намалите посетите во супермаркетот до еднаш неделно.