ПРИЈАВУВАЊЕТО ПОЧНУВА
САКАТЕ ДА ЖИВЕЕТЕ ВО САД: Почнува лотаријата за „зелена карта“
Објавено во: Свет 28 Септември, 2016
Стејт департментот го објави почетокот на кампањата за поднесување на документи за иселенички визи - "зелена карта" за 2018 година.
Официјално лотаријата за 2017 е затворено.
Електронските формулари за регистрација се поднесуваат од 18 часот попладне , на 4 октомври 2016 година до 18 часот попладне на 7 ноември 2016 година.
Кандидатите можат да го пополнат електронскиот формулар E-DV за учество во лотаријата . Адресата за пријавување е http://www.dvlottery.state.gov.
Барања по пошта не се прифаќаат. Нема такса за пополнување на електронскиот формулар за регистрација за учество, додаваат уште од амбасадата.
Учесниците добиваат официјален број за потврда на регистрацијата. Важно е барателите да го задржат бројот до 30 септември 2018 година бидејќи единствено преку него тие ќе можат да проверат дали се извлечени во лотарија DV-2017.
Избраните кои продолжуваат со учество во програмата се објавуваат на адреса: http: //www.dvlottery.state.gov по 2 мај 2016 година.
Соопштенија или пораки до извлечените учесници нема да бидат испратени по електронска или обична пошта. Секој примател на писмо или email, во кој се споменува виза од лотарија или "зелена карта", може да се увери дека пораката е лажна .
Освен тоа не се врши исплата на трета страна во процесот на аплицирање за виза од лотаријата за "зелена карта". Единственото плаќање е самата такса за виза, која се плаќа во Амбасадата на САД.