Самоил Малчески јавно го повика Груевски да си поднесе оставка за да се демократизира ВМРО ДПМНЕ
Објавено во: Македонија 15 Септември, 2017
Д-р Самоил Малчески, член на ВМРО ДПМНЕ во отворено писмо го повикува лидерот на опозицијата да си поднесе неоптовиклива оставка на функцијата Претседател на ВМРО ДПМНЕ.
Како што пишува Малчески време е за нови луѓе кои пред се ќе ја вратат идеологијата како основен темел врз кој ќе делува партијата, ќе го поправат нејзиниот имиџ, а потоа ќе ги подобрат и односите со нашите пријатели од меѓународната заедница, а пред се нашите пријатели од САД и Европската народна парија.
„Твојата оставка ќе овозможи партијата во најбрз можен рок да се консолидира, да се модернизира и да се демократизира, а со самото тоа и да се врати на победнички патеки“, пишува Малчески кој потенцира дека ако се гледа според сегашните акнети ВМРО ДПМНЕ на чело со Груевски на престојните локални избори ќе доживее невиден дебакал.
„Многу често се повикуваше на делата на големите дејци на ВМРО, но очигледно во наплив на твојот порив да бидеш татко на нацијата многу малку си учел од нивните дела и нивните писма. Оттука, сакам да те потсетам на мислата на големиот војвода Даме Груев, која гласи “Доста е, подобро ужасен крај, отколку ужас без крај.”
За крај, не можам да кажам со почит, бидејќи одамна немам почит за твоето политичко дејствување, исполнето со лаги, манипулации и криминал“, пишува Самоил Малчески кој што е лен на ВМРО ДПМНЕ.